Претседателот на Собраниската комисија за европски прашања – пратеникот Артан Груби за денес закажа седница на која ќе се разгледуваат 401 амандан кои на предлог измените на Законот за Изборниот законик ги поднесе ВМРО – ДПМНЕ.

По оценките дека ВМРО – ДПМНЕ го одолговлекува процесот за избор на членови на Државната изборна комисија а со образложение да се исполнат временските рокови за одржување на Референдумот – Владата поднесе предлог за измени во Изборниот законик со кои предлага наместо 2/3 мнозинство или 81 пратенички глас во поддршка членовите на Државната изборна комисија да се бираат со просто мнозинство т.е. 61 пратенички глас во поддршка.

ВМРО – ДПМНЕ појасни дека нема никакво одолговлекување и дека се работи за правни консултации на пратеничките групи но и посочи дека во пакет треба да се гласаат и измени во Законот за Влада со цел имплементирање на одлуките од договорот од Пржино кој важи од изборите 2016 година а кои налагаат формирање техничка влада пред секои избори. СДСМ оцени дека такви измени не се потребни иако таквите измени како политичка одлука беа донесени токму на нивно инсистирање.