Министерот за здравство, Венко Филипче смета дека нема потреба од дополнителни мерки и дека овие кои се воведени, односно задолжителното носење маска и на отворено, забрана за групирање даваат резултати.

Министерот за здравство Венко Филипче на денешната прес конференција посочи дека охрабрувачки е тоа што расте бројот на оздравени пациенти од коронавирус.

Министерот за здравство рече дека засега не се планираат дополнителни рестриктивни мерки, бидејќи сметаат дека актуелните даваат резултати.

„Забраната за движење после 21 часот ништо нема да донесе, бидејќи е празно, угостутелските објекти се затвроени, групирањето е забрането, освен домашните собирања кои се ризик и има препораки да не се организираат. Затоа голем дел од ефективноста на мерките зависи од одговорноста на граѓаните“, рече Филипче.