Носителот на листа во ИЕ 2 на ВМРО ДПМНЕ, Владо Мисајловски, со кандидатот за пратеник Тони Михајловски, заедно со Игор Божиновски, сопруг на амнестираната за „27 април“, Елена Доцевска-Божиновска.

На фотографијата се гледа дека Мисајловски и останатите на средбата не ги почитуваат мерките за физичко дистанцирање, ниту пак носат заштитни маски.

Куманово е убав град, има прекрасни граѓани и заслужува позитивни нешта, ВМРО – ДПМНЕ ќе води позитивна кампања, која ќе се заснова на проекти и обнова, изјави денеска во Куманово, носителот на ИЕ 2 од ВМРО – ДПМНЕ, Владо Мисајловски.

– Додека СДСМ велат дека можат повеќе да работат, јас мислам дека они можат повеќе да крадат, да продолжат со мито и корупција и можат повеќе да не угнетуваат. Затоа ние ќе ја обновиме Македонија и ќе продлжиме со позитивна кампања. Овој град е прекрасен и заслужува убави нешта, позитивни нешта и ние натака оваа кампања ќе ја целиме, изјави Мисајловски.

Носителот на листата во ИЕ 2 вели дека ВМРО – ДПМНЕ ќе обезбеди сигурна иднина за секој граѓанин и му се заблагодари на министерот за внатрешни работи Наќе Чулев, за, како што кажа, санкционирањето на професионални лица од МВР кои се во партиска кампања.