Градоначалникот Петре Шилегов е во дводневна посета на Нирнберг каде викендов се организира 14-тиот безграничен фестивал на збратимени градови на кој се претстави и Град Скопје.

Шилегов во рамките на фестивалот имаше обраќање а исто така отвори и изложба во рамките на истиот.

“Ми претставува чест и задоволство да ја предводам делегацијата на Град Скопје на овој меѓународен фестивал на збратимени градови токму тука во збратимениот Нирнберг.

Верувам дека ќе се согласите дека збратимувањето на градовите е од особена важност за интензивирање на соработката и развивањето на партнерски односи на многу полиња. Најважната придобивка е секако спојувањето и негувањето на различностите.” – изјави Шилегов.