Престижниот американски весник „Њујорк тајмс“ објави дека кандидатурата на претседателот на САД, Доналд Трамп на престојните избори е неизвесна. Имео како што наведува весникот, позитивниот тест на Ковид 19 може да  поттикне прашања дали неговото име треба да стои на гласачките ливчиња на изборите на 3 ноември.

-Дури и да не појави симптоми, тој треба да се повлече од кампањата и да биде во изолација во текот на незнаен временски период, наведува весникот.

Поради тоа што Трамп беше еден од оние кои гласно говореа дека вирусот е измислен во лабороторија, и ја потценуваше сериозноста на пандемијата, иако вирусот се уште е опасен и убива најмалку 1.000 Американци дневно, сега неговата политичка кариера е ставена под знак прашалник.

Денеска лекарот на Трамп најави дека сепак тој ќе продолжи со своите претседателски обврски од карантин.

Доцна синоќа Трамп на Твитер објави дека тој и сопругата Меланија се позитивни на Ковид-19, наведувајќи дека двајцата одат во карантин. Позитивна на коронавирус била и неговата советничка, Хоуп Хикс, која деновиве за време на кампањата патувала со Трамп. Се претпоставува дека таа го заразила шефот на државата.