Нискобуџетната компанија „Визер“ е во процес на привремено прекинување на над четириесет линии од својата мрежа во поранешна Југославија, покрај планираните нови дестинации кои, во најголем дел, се одложени.

Тоа доаѓа како резултат на слабеењето на побарувачката поради порастот на случаите на вирусот низ континентот, стр авувањата од новиот вид на вирусот Омикрон, како и повторното воведување на барања за ограничување на патувањето и тестирање.

Летовите на авиокомпанијата за зимскиот период ќе бидат засегнати на сите пазари што ги опслужува во поранешна Југославија, вклучувајќи ги Македонија, Босна и Херцеговина, Србија, Црна Гора, Косово и Словенија, пренесува „ек-ју авиатион“

Претседателот на Визер, Роберт Кери, рече дека патниците чекаат подолго за да резервираат билети, што ѝ отежнува на авиокомпанијата да ја измери краткорочната побарувачка.

Г-дин Кери истакна дека овој тренд е забележан во текот на пандемијата и сега се засилува со новата варијанта Омикрон.

Патниците проценуваат дали ќе можат да патуваат во услови на ново затворање на границите. Клиентите резервираат сè поблиску и поблиску до датумот на патување. Секоја недела се чувствува како да е еден ден поблиску до поаѓање“, рече г-дин Кери.

Сепак, Визер е оптимист и има намера да ја зголеми побарувачката следното лето.

Оперативни рути кои се сигурни во текот на целата зимска сезона од неговата најголема база во поранешна Југославија, Скопје, се Шарлроа, Копенхаген, Базел, Бове, Берлин, Келн, Дортмунд, Хан, Фридрихсхафен, Хамбург, Баден Баден, Меминген, Ајндховен, Сандефјорд, Гетеборг Малме , Лондон и Лутон од кои многумина ќе се одржуваат со скратен распоред.

Сите други рути се зафатени со делумна или целосно откажување. Од Охрид само Базел ќе работи во текот на целата зимска сезона која ќе трае до 26 март следната година.