Поранешната градоначалничка на Тетово, Теута Арифи во гостување во Утрински брифинг изјави дека Биљал Касами треба да се занимава со Тетово, а не со неа.

Ова доаѓа откако Касами објави список на имиња на лица кои биле ангажирани со договор на дело од Општината, а голем дел од нив воопшто не сработиле ништо.

Според тврдењата на Касами на овој список имало над 800 лица, а дел од нив се во роднинска врска со Теута Арифи и кои воопшто не живеат во Тетово, односно се во Германија.

Поради неспособноста да даде резултати се занимава со мене. Негова најголема заслуга во овие три месеци е укинувањето на велосипедските патики. Да укинете 6 километри велосипедски патеки во презагаден град не е добар потег. Второ достигнување му е замирање на штотуку започнатиот јавен превоз, а трето достигнување е поскапување на паркингот за кој во кампањата велеше дека ќе биде бесплатен, вели Арифи.