Река народ се упатува кон Владата каде што вечерва во 20 часот започна големиот протест на ВМРО-ДПМНЕ!

Намерата е да се изврши притисок врз владејачката коалиција за одржување предвремени парламентарни избори. Протестот се одржува токму ден по одбележувањето на 32-годишнината од формирањето на ВМРО-ДПМНЕ, што како повод за повик за присуство, го искористи лидерот на опозицијата.

„Испраќам порака на обединување против лошата власт и Владата која ги загорчува животите на илјадници луѓе. Ние овој роденден ќе го одбележиме во знакот на борбата за промени, затоа што е премногу и мора да ја сочуваме Македонија. Ве повикувам утре во 20 часот на протестот за промени, пред Владата на Република Македонија. Се гледаме на улиците, со срце и сила, за Македонија.“, изјави вчера Христијан Мицкоски, претседател на ВМРО-ДПМНЕ.

Десетици илјади граѓани од целата држава, членови и симпатизери на ВМРО-ДПМНЕ и нивните коалициони партнери, се собираат пред владата каде се очекува обраќањето на лидерот на партијата, Христијан Мицкоски.

И битолчани се дел од протестот пред владата. Советникот од ВМРО ДПМНЕ Бојан Бојкоски на својот Фејзбук профил напиша.

Денес е почетокот на крајот од криминалното владеење на СДС! Народот дојде по своето, време е за предвремени парламентарни избори! Доста е! Протест за промени! пишува Бојкоски.