Победата на Рикардо пред 2 недели резултираа во нови шпекулации околу неговата иднина по оваа сезона кога истекува договорот со Ред Бул. Австралијанецот е поврзан со место во Мерцедес и Ферари за 2019 година, но негираше дека преговарал со било која екипа освен Ред Бул.

Се очекува Луис Хамилтон да го продолжи својот договор со Мерцедес, веројатно е дека Ботас ќе биде тој кој ќе ја напушти екипата, доколку Рикардо се приклучи во “сребрените стрели“. Но, Ботас не верува дека може да го загуби своето место, велејќи дека се навикнал на тие шпекулации.

„Нормално е. Така беше и минатата година, исто и оваа. Не е ништо ново за мене. Целосно сум среќен со фокус кон себе и добри перформанси.

Ќе продолжам со својата форма како во последните неколку трки, немам проблем“, вели Ботас.

Мерцедес викендов во Баку цели да ја прекине најдолгата серијат на трки без победа, која последен пат ја имаа во 2013 година. Ферари победи на првите две трки во Австралија и Бахреин, додека Рикардо победи во Кина пред две недели, а Ботас заврши на подиумот во два наврати.

„Конкуренцијата е навистина силна. Овие три екипи ќе се борат за победи, како што и очекувавме за време на зимските тестови.

Се се сведува на најмалите детали. Мислам дека имавме болид во првите три трки со кој можевме да победиме. Во Бахреин бевме блиску до победа. Исто и во Кина. Без различните ситуации кои неможе да ги контролираме, бевме екстремно блиску до Ферари и Ред Бул.

Само треба да останеме фокусирани и да извлечеме повеќе перформанси. Победата ќе дојде“, додаде Ботас.