Јане Ченто е претседател на македонското патриотско здружение “Пере Тошев” од Прилеп, правнук на Методија Андонов Ченто – македонски борец и прв Претседател на Президиумот на АСНОМ, а е еден од уставобранителите кои се обвинети за немилите настани во Собранието на Македонија од 27-ми април 2017-та година, се огласи на ФБ со порака во која своето судење го компарира со судењето на неговиот прадедо.

Јане Ченто – при сослушување пред јавното обвинителство 2018 година.

“Не се чувствувам виновен за делото кое ми го ставате на товар, и никогаш не сум работел против интересите на Македонија, но спремен сум да се спогодам со Вас, мене осудете ме на доживотен затвор а останатите 35 луѓе пуштете ги на слобода, подобро еден невин да лежи во затвор отколку 36 патриоти.

Имам аманет да ја чуваме АСНОМ-ска Македонија и тоа ќе го направам.”

Методија Андонов Ченто -При сослушувањето во истражниот затвор – август 1946

“Пред својата совест не се чуствувам виновен, бидејќи и не сум мислел да работам против интересите на југословенските народи.

Обединувањето на македонскиот народ го сметам за последен долг кон својот народ, кој е многу измачен, особено со поделбата на Македонија на три дела во 1912 година.

Заради тоа доколку решев и успеев да се префрлам во Америка, и ако ми се дадеше возможност тој свој политички став и јавно би го изнел, пред Обединетите Нации и Мировната конференција, со цел да допринесам за обединување на македонскиот народ.“