Пратеникот на ВМРО  -ДПМНЕ, Влатко (Владимир) Ѓорчев, по синоќешната прослава на ВМРО – ДПМНЕ во Македонскиот театар со порака за “црниот петок” и одметнатите пратеници.

Ѓорчев на својот Твитер налог порача дека неговата партија ќе победи, и тагата од црниот петок ќе биде заборавена, алудирајќи на 80-те пратеници кои гласаа „за“ почеток на уставните измени, меѓу кои седуммина беа членови на ВМРО – ДПМНЕ.

Вечерва тагата од црниот петок премина во отпор и пркос. Ќе победиме. –  напиша Ѓорчев.

Со ова по одлуките на ЦК на ВМРО – ДПМНЕ за исклучување на високи партиски функционери за кои оцени дека соработувале со Заев и СДСМ со цел вршење притисок и уцени за пратеници од нивните редови да гласаат за уставните промени, се заокружи бројот на “витални” пратеници кои застанаа во поддршка на партискиот претседател Мицкоски.

Мицкоски од своја страна пак е решен да докаже дека ВМРО – ДПМНЕ во своите примарни начела ги има ЕУ и НАТО интерациите но достојно да остане на ставот дека тоа не е изговор да се носи штетен договор и дека ВМРО – ДПМНЕ на следните избори како власт ќе го покаже тоа.