Поранешниот член на ВМРО - ДПМНЕ, Тодоров, оцени дека гласањето за уставни измени е лично убедување а за 27 април ја обвини и партијата затоа што се бранела државноста

Објавил: Мирко Бачиќ | 26 октомври, 2018 6:48

Тодоров и коските ги оставил во партија

Фото/Текст извор: ©online/магазин.мк

Поранешниот министер и член на ВМРО – ДПМНЕ Никола Тодоров за кого Централниот комитет на партијата побара да биде исклучен од партијата на гостувањето во емисијата на Канал 5 ТВ изјави дека целата ситуација е нејасна.

Оцени дека во изминатиот период како да имало оркестрирани обиди да се претстави тој како предавник на партијата.

Вели дека коските ги оставил во таа партија. Тодоров рече дека му е наметнато многу тешко, и сериозно обвинување. 

Со дел од пратениците од ВМРО – ДПМНЕ кои гласаа за пристапувањето кон уставни измени, Тодоров рече дека се слушнал следниот ден по собраниската седница.

Ми падна многу криво. Во определени моменти секој носи определен став. Тоа се пратеници избрани од народот, предложени од ВМРО – ДПМНЕ. Но, тие одлучиле да гласаат, а да станеш и да ги оставиш да бидат преброени, да бидат жигосани, е тоа навистина ме болеше. – рече Тодоров.

Нагласи дека одлуката да се повлече од политичката сцена ја донел многу порано пред 27 април.

Одлуката ја донесов неколку месеци порано. Уште пред 27 април имав донесено одлука дека треба да се повлечам од политиката и да се одморам што не значи дека се деасоцирам од политиката. Тоа што се случи на 27 април е страшно. Тогаш ВМРО – ДПМНЕ изгуби многу. – рече Тодоров, додавајќи дека настаните од 27 април само допринеле уште повеќе побрзо да ја донесе одлуката.

Според него, ВМРО – ДПМНЕ станува се поизолирана партија и делува антизападно. Во партијата, како што посочи, сега има три структури.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.