Професорката Дескоска контра министерката Дескоска, упорно бара одговор на барањето за естрадикција на поранешниот премиер од држава со која немаме договор за тој правен сегмент.

Упорноста секогаш не се исплаќа но Дескоска синоќа појасни дека сеуште немаат добиено никаков одговор од надлежното министерство во Унгарија за екстрадицијата на експреммиерот Никола Груевски, додавајќи дека роковите кои ги имаат за одговор се уште не се изминати.

Ќе почекаме, доколку не добиеме одговор во предвидениот рок тогаш ќе пуштаме ургенција, тоа се страндардни процедури. Сакам да напоменам дека досега Унгарија не одбила да екстрадира ниту едно лице.

Последната екстрадиција ја имавме сега во месец септември и немавме никаква забелшка ниту за состојбата во затворите, ниту за водењето на судски постапки, ниту пак дека постои некаков ризик во Република Македонија. – изјави министерката за правда како одговор на прашање дали очекуваат Груевски да биде екстрадиран од Унгарија во Македонија.

Таа додаде оти се надева дека согалсно на својата пракса Унгарија ќе треба да одговори и на овој случај со македонскиот поранешен премиер, Никола Груевски.

Унгарија на поранешниот премиер му додели статус на политички азилант од политичкиот прогон кој властите во матичната држава го спроведуваат врз него.