Голем број семејства во Македонија, Василица ја празнуваат како домашна слава, а оние кои го носат името на Свети Василиј Велики го слават својот именден.

На Василица се крши лепче со паричката и исто така се верува дека на оној кој ќе му се падне паричка ќе биде среќен во текот на целата претстојна година.
Старата година што поминала се испраќа и со палење големи василичарски огнови. Ти се симбол на божествената светлина што, според народното верување, ги прогонуваат лошите сили и чувства што владееле во целата мината година.

На тој празник се оди во црква црква, треба да запалите свеќа и да му се помолите на Бог за вас и вашите најблиски.

Свети Василиј Велики е еден од тројцата најголеми црковни учители од четвртиот век. Родум бил од Кападокија, а завршил школо во Атина. Тој бил голем христијански филозоф, а се прославил и како епископ и заштитник на чистотата на православното учење. Свети Василиј Велики се упокоил на 14 јануари во 379 година.