Вечерва судија на претходна постапка му е одреди притвор на сопственикот на „Дурмо Турс„ како прво осомничен за автобуската несреќа кај Ласкарци.

Сашо Рајчев, јавниот обвинител од ОЈО, денеска на прес конференцијата изјави дека како главна причина за несреќата која се случи кај Ласкарци, при што загинаа 15 лица, се неисправните сопирачки на автобусот и преголема брзина со која се движел во моментот на несреќата.

 Од Кривичниот суд изјавија дека притвор доби и раководителот на фирмата кој е второ осомничен, додека на третоосомничениот, едно од лицата одговорни за технички преглед, му е одредена мерка куќен притвор.

За четврто осомниченото лице, кој се товари за одговорен за технички преглед во несреќата во „Дурмо турс“,  се прифатени побараните мерки на претпазливост од Основното Јавно Обвинителство, а за трите лица меѓу кои се наоѓа и возачот, постапката во Судот е во тек.

Автобусот на компанијата „Дурмо турс“ сообраќаше на релација Скопје-Гостивар, со 51 патник, сите од Гостивар. Автобусот кој се движел со голема брзина, излетал од автопатот Тетово-Скопје и падна во провалија откако ја пробил заштитната ограда на автопатот.
На повредените веднаш им помогнаа луѓе од Ласкарци и околината, а за спасувањето на повредените од автобусот, беа мобилизирани комбиња на брзата помош од „Здравствен дом – Скопје“ и од приватните болници „Неуромедика“ и „Систина“.

Владата на Република Македонија ги прогласи за ден на жалост 14 и 15 февруари, а на 14 февруари во Гостивар се одржа комеморативна седница за загинатите во автобуската несреќа, на која присуствуваа претседателот на Република Македонија, Ѓорѓе Иванов и премиерот Зоран Заев.