Секој од нас сака телефонот да му биде при рака дури и кога е на полнење, но според најновите истражувања на компанијата Кадекс, која е број еден производител на батерии за мобилни телефони, сопствениците му прават “стрес” на телефонот за време на полнењето.

Доколку батеријата не ви трае долго време, а сакате да остане во добра состојба, мора да водите сметка за неколку работи.

Според истражувањата на Кадекс, полнењето на батериите во текот на ноќта, што многумина практикуваат, е лоша работа. Кога батеријата ќе се наполни 100 отсто, а и понатаму е вклучена на полнач, таа е под „висок стрес“ велат од компанијата и советуваат да не ги полните телефоните во текот на ноќта.

Според нив таквото полнење е штетно за литиум-јонските батерии, а сите се сведуваат на едноставниот совет: „Кога мобилниот е во целост наполнет, од својот уред извадете го мобилниот. Тоа е како опуштање на мускулите после напорно вежбање“.

Исто така истражувачите тврдат дека најдобро е батеријата да не ја полните до крај, односно да не ја полните 100 %. Советуваат тоа да го правите само кога морате, бидејќи кога батеријата е полна во целост, а уште е приклучена на полнач, тогаш е под висок напон.

Бесплатен совет од истражувачите на Кадекс: Приклучете го вашиот мобилен телефон да се наполни кога можете, затоа што бројни истражувања покажале дека така животниот век на батериите ќе е подолг. Добијте навика постепено телефонот да го ставате на полнач, а не само кога батеријата целосно ќе се испразни.

Од компанијата предупредуваат дека при полнење се создава топлина, а топлината ја оштетува батеријата. Исто така, при полнење важно е да се отстрани заштитната маска, за да се ослободува топлината.