Јурген Клоп големиот стратег на клупата на Ливерпул, , конечно успеа да го освои трофејот во фудбалската Лига на шапиони (ЛШ) и со тоа да осигура место меѓу многуте фудбалски великани кои ги предводеле „црвените“ од „Енфилд“. Откакто лани не успеа во финалето во Киев (пораз од Реал Мадрид 3-1), поразот во финалето на Лига Европа (ЛЕ) во сезоната 2015/2016 од Севилја исто така со 3-1, ја прават оваа победа на Клоп во овогодинешното финале во Мадрид уште повредна за Германецот, но и за Ливерпул, кој од 2005 година чека на европски трофеј.
Кога го замени Брендан Роџерс во 2015 година на кормилото на клубот кој некогаш го предводеле легндарните Бил Шенкли, Џо Фаган и Бил Пејсли, харизматичниот Германец на навивачите на Ливерпул им вети титула за четири години. Синоќа, Јирген Норберт Клоп го оствари своето ветување, иако и многу порано во својот мандат тој имаше можност да биде херојот кој го чекаше црвениот дел од градот.
На синоќешниот натпревар на „Ванда Метрополитано“ во Мадрид, германецот , се чини, го покажа на дело целото свое искуство и сите порази во кои му беа голем товар. Двата порази во финалиња во ЛШ, двата во Германскиот куп, финалето во ЛЕ и финалето во Лига купот на Англија, за Клоп беа потсетување дека ова финале против Тотехем ќе ја искрои иднината на неговата тренерско-менаџерска кариера.
Со поразот од Барселона и неможноста да се одржи чекор со Манчестер сити во Премиер-лигата, само неколку недели пред крајот на сезоната, изгледаше дека ова ќе биде уште сезона за заборав на „црвените“. Поразот од Барселона во првиот
натпревар од двомечот на „Ноу Камп“ со 3-0 како да покажуваа дека од Ливерпул уште еднаш ќе мора да кажат – „следната сезона е наша“. Сепак, неверојатниот настап на „Енфилд“ го отвори патот до Мадрид (победа од 4-0), кој овојпат Клоп, заедно со Салах, Мане, Ван Дајк и Алисон, беше сигурен дека успешно ќе го мине.
Освоените 97 бода во Премиер-лигата и второто место зад неверојатниот Манчестер сити и сега освоениот трофеј во ЛШ, Ливерпул отвори ново поглавје во својата вековна историја, навестувајќи нов подеми на подзаспаниот фудбалски гигант. А Клоп, со овој успех, вечно го врежа своето име до оние на Шенкли, Пејсли, Фаган и Рафаел Бентиез, кои претходно го носеа најпрестижниот трофеј на фудбалската игра во Ливерпул .
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.