Полицијата вечера во Охрид извршила заплена на неколку скапи патнички возила и пловни објекти, дознава Скопје1 од свои извори во МВР.

Тоа било направено по предлог на Јавен обвинител, по претходно издадена наредба од Судија на претходна постапка.

Возилата се сместени во кругот на охридската „Касарна“ и остануваат во заплена до крај на истрагата во која се опфатени.

Според првите информации возилата се одземени во рамки на процесот популарно наречен „Рекет“ во кој се товарат Бојан Јованоски ( Боки 13 ) и Зоран Милески Кически за изнуда на рекет од бизнисмени.

Во понеделникот основното јавно обвинителство за гонење на организиран криминал и корупција отвори истражна постапка и бараше притвор за Бојан Јовановски, познат како Боки 13 и за Зоран Милевски, познат како Зоки Кичеец. Јовановски се сомничи за кривичните дела примање награда за противзаконито влијание и за перење пари, додека Милески само за противзаконито влијание.