Убиството кое се случи во саботата го потресе Скопје, ќерката давејќи и го одзеде животот на својата родена мајка. Причината за убиството било поради пари, ЈО по брза постапка отвори истрага.

Јавното обвинителство отвори истрага за ќерката (46 годишната А.И.) која ја задави мајка си (74-годишната В.И.) во скопската населба Карпош. Основниот кривичен суд ѝ одредиЛ 30-дневен притвор на А.И.

„Основното јавно обвинителство Скопје донесе Наредба за спроведување истражна постапка против едно лице осомничено дека сторило кривично дело – Убиство од член 123 став 2 точка 2 во врска со став 1 од Кривичниот законик. Осомничената вчера се пријавила во полициска станица Карпош и изјавила дека при вршење семејно насилство, со задушување ја лишила од живот сопствената мајка. Како мотив за сторување на кривичното дело навела меѓусебни несогласувања и расправии заради финансиски средства“, соопштуваат од Јавното обвинителство.

Оттаму велат дека дежурен јавен обвинител веднаш излегол на увид на лице место, во домот во кој мајката и ќерката живееле заедно.

„Притоа, затекнатото безживотно тело на 74-годишната жена со наредба на јавниот обвинител е предадено за обдукција. Во исто време, издадена е наредба за прибирање и вештачење на трагите пронајдени на лице место.

Ценејќи дека се исполнети законските основи, јавниот обвинител до судијата на претходна постапка при Основниот кривичен суд Скопје достави и Предлог за определување мерка притвор за осомничената. Надлежниот суд го прифати предлогот и на осомничената и определи притвор во траење од 30 дена“, велат од обвинителството.