Разрешената специјална обвинителка Катица Јанева овој вторник ќе дава исказ кај обвинителката Вилма Русковска за преметот „Рекет“, соопшти нејзината адвокатка Ирена Фрчковска во вечерашното гостување во емисијата 360 Степени.

Имено за Јанева ова ќе биде прв исказ како осомничена, бидејќи првиот пат даваше исказ во својство на сведок.

Нејзината адвокатка Фрчковска истакна дека таа е во лоша здравствена состојба, дека има прболем со хронични болести и дека не се чувствува добро поради ситуацијата во која е.

На Јанева деновиве и беше продолжен притворот, по што доби нови 30 дена.

Инаку адвокатката на Јанева, Ирена Фрчковска, поднесе предлог да се замени притворот со поблага мерка и понуди гаранција во имот. Тој предлог беше испратен на мислење кај обвинителството, а потоа и судот по што беше донесена одлука да не се прифати барањето.

Јанева е во притвор од 21-ви август, таа беше осомничена дека е вмешана во случајот Рекет кој веќе два месеци ја дрма државата. Од домот на Јанева беше одземен мебел за кои беше утврдено дека го добила како мито. 

Заедно со Јанева во притвор се и Бојан Јовановски – Боки 13 и Зоран Милевски – Кичеец за случајот „Рекет“.