Нема кој не ја препознава Ана Бекута, која се уште зрачи со својата препознатлива убавина. Бекута може да ја видиме како дел од жирито на шоуто Ѕвездите на Гранд, а во едно ТВ интервју таа конечно за јавноста го открива своето вистинско име за кое вели дека е досадно и немала да супее во кариерата.

Познатата пејачка Ана Бекута гостувајќи во една позната емисија во Србија проговори за своето детство, а со тоа и откри детаљ кој јавноста досега не го знаеше.

-Бекута е синоним за нож, додека Ана е убаво име. Човекот со кој го правев првиот албум ми рече дека моето име Нада е досадно, а во тоа време имало околу четири пејачки со тоа име. Мене моите мештани се уште ме викаат Нада, а мислам дека кариерата ќе ја направев и со Нада Полиќ. И едната и другата личност е сублимација за тоа што навистина сум. На двете имиња сум горда, раскажува пејачката.

Таа додава дека името Ана Бекута повеќе и донело успех во кариерата.

Ана Бекута е родена во Прибојска Бања, на 6 септември 1959 српска пејачка на народна, фолк и поп-фолк музика. На естрадата е повеќе од триесет години и зад себе има бројни хитови и награди.

Родена е како Нада Полиќ во Прибој каде што го завршила и гимназиското образование. Како девојче пеела во училишниот хор и во културно-уметничко друштво. Во 1974 година на музичкиот натпревар за „Прв глас на Прибој“ го освоила второто место. Првите музички ангажмани ги добива во 1980 година, почнувајќи да настапува по ресторани и хотели ширум тогашната Југославија.

Уметничкото име Ана Бекута го зела во 1985 година по предлог на Предраг Вуковиќ Вукас, бидејќи тогаш имало повеќе пејачки кои пееле народна ммузика со име Нада, како (Нада Топчагиќ, Нада Мамула, Нада Кнежевиќ, Нада Обриќ). Во 1985 година го снима својот дебитански албум за ПГП-РТБ со име „Ти си мене варао“, во кој албум се наоѓа еден од нејзините најголеми хитови, “Не сум родена да живеам сама”. До сега снимила 18 албуми.

Најголемите хитови во нејзината кариера се песните: Крал на полноќта, Златиборски зори, Не сум родена да живеам сама, Црвен конец, Бекрија, Имам еден живот, Бројаница, Таго моја црноока, Стани, стани, зоро, Сè сум стекнала сама, Олуја, Спомени, Треба време, Рано моја, Не жалам јас, Те засакав, и други.

Од 2012 година беше во врска со некогашниот српски министер Милутин Мркоњиќ. Од 2014 година е особено популарна и актуелна како член на стручното жири во музичкото натпреварување „Ѕвездите на Гранд“.