Децата се свето нешто, кое Бог го подарува на родителите, на кои треба да им се пружат многу љубов и внимание, но за жал не се сите деца во светот среќни и растени со родителска љубов и топол дом.

Неколку фотографии кои доаѓаат од соседна Босна и Херцеговина ќе ви го скршат срцето.

На овие фотографии може да се забележи злоупотреба и запоставување на деца доаѓаат од соседна Босна и Херцеговина.

На денешната прес-конференција пратеничката во парламентот на ФБиХ, Сабина Кудиќ, на денешната прес-конференција откри детали за третманот на штитениците во Заводот за згрижување на ментално инвалидни деца и младинци во Пазариќ, кај Сараево.

Таа на конференцијата ги прикажа овие застрашувачки фотографии на кое се гледаат мали децата врзани за мебел и радијатори. Сабина Кудиќ ги презентираше и фотографиите на кои има деца на кои рацете им се врзани зад грб, а многу деца го поминуваат поголемиот дел од денот и цела ноќ во таква позиција, па нивната физичка и ментална состојба е нарушена, пренесува Klix.ba.

„Оваа состојба може да се нарече модерно ропство. Ноќе е ангажирана само една негувателка, која многу често е нестручно лице. Децата често самите ги подаваат рацете за да им се врзат бидејќи се навикнати да бидат врзани 14 часа. Како резултат на овие методи, многу деца имаат сериозни здравствени проблеми“, истакна Кудиќ.

„Бараме Министерството за труд и социјална политика, во соработка со Министерството за здравство, да назначи медицински тим кој ќе изврши ревизија на дијагнозите и ќе воведе редовни прегледи. Барам ресорното министерство да достави детален извештај за мерките спроведени по 90 дена од донесените заклучоци”, заклучи таа.