Откако спикерот на Претставничкиот дом Ненси Пелоси, објави дека денеска домот ќе гласа за импичмент, се огласи и претседателот Доналд Трамп. Тој ја обвини за „обид за пуч“ и за „поткопување на американската демократија“.

Имено Трамп во писмото од шест страници и порачува на Пелоси дека „историјата остро ќе и суди“.

Денеска се очекува претставничкиот дом да расправа, а потоа и да гласа за двете обвинувања против Трамп. Имено Трамп го следи скандал дека ја злоупотребил функцијата и дека ја попречувал истрагата во врска со тоа дали побарал од Украина да покрене постапка против него.

Инаку вчера Вилијам Вебстер, поранешен федерален судија и директор на ФБИ и на ЦИА напиша дека Трамп ја доведе АМЕРИКА ВО ОПАСНОСТ.

Доналд Џон Трамп е 45. претседател на САД кој на оваа функција дојде откако победи на претседателските избори на 8 ноември 2016, освојувајќи мнозинство во американскиот изборен колегиум, и покрај тоа што добил помалку гласови на народното гласање на национално ниво од кандидатот на Демократската партија, Хилари Клинтон. На полни 70 години, Трамп стана најстариот и најбогатиот човек што станал претседател на САД, надминувајќи ги Роналд Реган и Џорџ Вашингтон. Тој исто така е единствениот човек во историјата на САД кој ќе биде избран за претседател, а кој притоа не вршел никаква претходна воена или друга јавна дејност.