Големо невреме со силни дождови и поплави го зафати Дубаи, а поплавени се пистите како и делови од терминалите во аеродромот.
Невремето кое беше проследено со дождови во Дубаи предизвика големи поплави, поради што еден од најфреквентните светски аеродроми „Дубаи Интернешнл“ бил принуден да ги откаже сите летови.
Во Дубаи поплавени се улиците, блокирани патишта и гужва во сообраќајот.
Според коментарите на социјалните мрежи ова е најсилното невреме во Дубаи во последните 10 години.
Меѓународниот аеродром во Дубаи, служи на Дубаи и другите емиратства во земјата. Аеродромот бил трет најфреквентен аеродром во светот со 83,6 милиони патници во 2016 година. Аеродромот е, исто така, најпрометниот аеродром во светот со меѓународен патнички сообраќај.
Покрај тоа што е важен центар за превоз на патници, аеродромот е 7-от карго-аеродром во светот, ракувајќи со 2,37 милиони тони товар во 2014 годинa. Емирејтс е национална авиокомпанија на Дубаи. Од 2014 година, таа работи на меѓународно ниво и имала 142 дестинации во над 70 земји на шест континенти.
Развојот на Меѓународниот аеродром „ел-Мактум“ бил објавен во 2004 година.
Првата фаза од аеродромот имала за цел да се сместат пет милиони патници годишно. Кога ќе биде завршен, аеродромот треба да биде најголемиот аеродром во светот со пет писти, четири терминални згради и капацитет за 160 милиони патници и 12 милиони тони товар.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.