Денеска продолжува судењето за случајот „Рекет“, а ќе бидат изнесени доказни материјали од страна на Обвинителството за организиран криминал.

Судскиот процес се води против Бојан Јовановски и Катица Јанева, а денеска влегува во нова фаза.

Вчера беше последното рочиште а сведочеа четири нови сведоци.

Лидија Младеновиќ, ќерка на сопственикот на продавницата за мебел „Зона мебел“, судијката која воедно е и кума на Боки 13, Мери Дика-Георгиевска од Апелацискиот суд Скопје, водителката Лила Стојановска, која беше една од најдобрите пријателки на Јовановски, и Сања Димовска, шефица на кабинетот на поранешната специјална обвинителка Катица Јанева, сега второобвинета во „Рекет“.

За Рекет претходно сведочеа и поранешните обвинители на СЈО, Елизабета Јосифовска, Лиле Стефанова и Бурим Рустеми, а на почеток на судењето сведочеше и Јордан Камчев со неговата сопруга, кој всушност го пријавил овој случај.