На денешното рочиште за случајот Рекет, каде се слушаа видео снимки доставени до обвинителството од сведокот Орце Камчев, и се читаа смс пораки од првообвинетиот со поранешната шефица на СЈО, Катица Јанева а воедно и со пратеничката Фросина Ременски. 

Според доказниот материјал кој денеска беше презентиран, Ременски и Боки имале честа комуникација. 

Во една од пораките кои Ременски му ги пратила на Бојан, таа му вели дека Апелација ќе одреди притвор за Камчев на што тој и враќа „Не”.

Дај боже, му враќа на тоа пратеничката.

Она што го привлече вниманието е пораката од Ременски која му пишала на Јовановски да следи  пренос од собраниска седница која се емитува на националната МТВ, каде што поранешниот премиер Зоран Заев говори за неговиот случај.

Сега зборува З.З, направи катастрофа, стои во пораката од Ременски.

Беа прочитани и смс пораки кои обвинетите Бојан Јовановски и поранешната шефица на СЈО, Катица Јанева си ги испраќале на “Whats App”.

Бојан и Катица со меѓусебна комуникација започнале на 25 февруари 2019 година кога тој и испратил на Јанева неколку фотографии од мебел, со коментар “Одбрав, стигнати се”! на што Јанева вратила никакков одговор.

Денеска на почетокот од судењето Бојан Јовановски кој е првоосомничен во случајот рече дека има нова дијагноза, односно дека на 33 години има рак на желудникот a пред новинарите, адвокатот на Бојан , Сашо Дуковски ги покажа документите со дијагностициран канцер, издадени пред два дена од ГОБ- 8ми септември.

Утврден е карцином на желудникот. Ова докажува во каква состојба се наоѓа Боки. Тој постојано повраќа крв и не може да го следи судењето.Ова е тортура врз Јовановски и ние тоа нема да го дозволиме во иднина, посочи Дуковски.