Групата „Јавна соба“ која по наредба на МВР беше затворена, а фотографиите избришани,од пред две недели повторно е активна, но овојпат на еден светски порно сајт, пренесува „Пулсинфо“.

Како што е наведено таму, основач на групата наводно е 31-годишен маж од Германија, кој досега има објавено над 500 експлицитни фотографии од девојки и од момчиња од Македонија.

Според информациите со коишто располага Плусинфо, станува збор за истите фотографии кои неодамна беа објавени во групата „Јавна соба“ на Телеграм, а кои беа избришани по интервенција на Министерството за внатрешни работи (МВР).

Меѓу експлицитните фотографии објавени се и телефонски броеви од многу девојки, како и од нивните профили на Фејсбук и на Инстаграм, а не се ретки ниту принтскриновите од интимните фотографии кои тие им ги праќале на своите момчиња во приватни пораки. Огромен дел од фотографиите им припаѓаат на малолетни девојки, а не се поштедени ниту познатите јавни личности.

Интересно е тоа што свен фолдерот со голи девојки, постои уште еден фолдер во кој објавувачот се шегува со полицијата со тоа што ги објавил СМС пораките преку кои МВР го повикува да се јави во Полициска станица Ѓорче Петров за да даде изјава поради неговото членство во групата „Јавна соба“ на Телеграм. Во истиот тој фолдер, објавени се и неколку фотографии направени од телевизиски екран, а на кои се гледа како телевизиите во Македонија известуваат за порнографската група.

Од поталот наведуваат дека за сега не е познато како порнографската група „Јавна соба“ од Телеграм овојпат заврши на светски познат порно сајт, но велат дека случајот е пријавен во полиција.