Во петок, во 18:30 на Канал 5, екс премиерот и лидер на СДСМ Зоран Заев и на ВМРО-ДПМНЕ Христијан Мицкоски ќе го имаат првото предизборно соочување во „Дуел за вистината“.

-И Мицкоски и Заев веќе го потврдија учеството во дебатата, која ќе трае два часа. Најавуваме динамична емисија, во која двајцата претенденти за иден премиер ќе имаат еднакви можности да ги кажат своите ставови, но и да реплицираат на ставовите на политичкиот противник.

Ова соочување, ќе биде прво по минатогодишниот „Дуел на деценијата“, а ќе се дебатира на сите актулени теми од домашната и надворешната политика, со посебен фокус на економијата, информираат од Канал 5.

Лидерот на ВМРО-ДПМНЕ Христијан Мицкоски вечерва побара одговорност од поранешниот премиер и лидер на СДСМ Зоран Заев по вчерашната објавена аудиоснимка на кој тој зборува за Законот за јавно обвинителство и Врховниот суд.

Мицкоски го повика членството и сите граѓани утре на протест во 18 часот кој би почнал пред Обвинителството а би завршил пред Врховниот суд.

„Значи освен премиер бил и судија, но и обвинител. Заспаното обвинителство за сето ова молчи. Молчи затоа што е во скутот на истиот кој диктира пресуди и ја убива правдата. Иако сите надлежни молчат, ВМРО-ДПМНЕ и народот нема“, истакна Христијан Мицкоски.

Стравот и паниката од одговорност на ВМРО-ДПМНЕ ескалираа. Аберот од Будимпешта пристигна. Христијан Мицкоски, извршителот на Груевски утре ќе маршира за неправда. Откако не им успеа обидот преку блокади, закани и уцени во Собранието да го закочат процесот на Законот за јавно обвинителство Мицкоски и ВМРО-ДПМНЕ сега ќе протестираат против правдата“, додаде Костадин Костадинов.