Утрово едно лице загина, едно тешко повредено во сообраќајката на патот Кичево – Гостивар.

Во 9,30 часот утринава на патот Кичево – Гостивар, кај селото Трапчин дол се случила тешка сообраќајка меѓу трактор и автомобил „ауди“, во која животот го загуби трактористот, додека возачот на автомобилот е хоспитализиран со тешки повреди.

Возачот на “аудито“ е со гостиварски регистарски ознаки, управувано од В.М.(20) од с.Зајас, а тракторот бил управуван од Б.А.(61) од с.Грешница.

Возачот на тракторот починал на лице место, додека возачот на аудито е пренесен во болницата во Кичево. Сообраќајот најпрво беше во прекин во двата правци, а сега е целосно нормализиран.

Во првите шест месеци од минатата 2019 година во сообраќајни незгоди на патиштата во државата загинале 70 лица.

Овие статистички податоци навестуваа дека 2019 година беше најцрна година на патиштата во државата споредувајќи ги последните 20 години.