Американскиот инвеститор и милијардер Џорџ Сорос смета дека по завршувањето на коронавирусот, Европската унија треба да преземе мерки, кои обично се преземаат само исклучително во услови на криза, што подразбира издавање и продажба на обврзници без рок на достасување, за кои не треба да биде отплатена номиналната вредност .

Според него, решавањето на ова прашање треба да биде број еден на претстојниот самит на Европската унија на 23 април.

Претходно, претседателката на Европската комисија Урсула фон дер Лајзен најави дека на Европа ќе и бидат потребни околу 1 билион евра за борбата против пандемијата на Ковид 19.

Овие пари можат да бидат на сметката на Европски фонд за наплата, но прашањето е каде да се најде оваа сума.

За прв пат, ЕУ е принудена да се бори против вирус кој не само што ги загрозува животите на граѓаните, туку и самиот опстанок на Унијата. Ако земјите-членки започнат да ги штитат националните граници дури и од своите партнери,  земји-членки на ЕУ, ова ќе го уништи самиот принцип на солидарност на кој се гради Унијата.

Наместо тоа, Европа мора да прибегне кон итни мерки за справување со вонредната состојба што ги погоди сите земји-членки на ЕУ. При издавање на обврзници без рок на достасување, треба да се смета на политичката поддршка на овој чекор, што Европската централна банка (ЕЦБ) веќе го направи со укинување на сите ограничувања за нејзината програма за откуп на обврзници.

Обврзниците без датум на достасување имаат три дополнителни придобивки.

Првата предност е што тие никогаш нема да бидат отплатени, што е изненадувачки лесен финансиски товар за ЕУ, без оглед на значителната финансиска моќ што ЕУ може да ја мобилизира. Покрај тоа, ЕУ нема да мора да ги рефинансира кога станува збор за крајниот рок за отплата, да плати амортизација или да издвои пари за нивно евентуално порамнување.

Втората предност најмногу се однесува на техничкиот план, но не помалку вредна  и важна. Пазарот нема да може да апсорбира ваков вид обврзница од еден билион евра истовремено, така што Европската унија може да ги издаде овие обврзници во фази.

Трета предност е тоа што обврзниците без доспевање издадени од ЕУ ќе станат многу привлечни средства во програмата за откуп на ЕЦБ. Периодот на отплата е секогаш ист.

Средствата треба да се користат за инвестиции и грантови за борба против пандемијата.

Европската комисија ќе ги насочи средствата директно или преку земјите-членки и други институции во земјите зафатени од пандемијата КОВИД -19.