Откако дојде струја попладнево продолжи судењето за случајот “Титаник 2” за нерегуларности во Државната изборна комисија (ДИК) во 2013-та година.
Но судењето продолжи со кавги меѓу адвокатите и обвинителите од СЈО околу теоријата за тоа што се вкрстени а што директни прашања за сведоците. Директните прашања според законот може да се поставуваат дури откако ќе се сврти еднаш кругот со сведоците а вкрстените прашања се поставуваат веднаш од исказот на сведокот на обвинителот.
Обвинителката Фатиме Фетаи приговараше и му ги оспори сите поставени прашања на адвокатот Боро Тасевски кој го брани Влатко Сајковски поранешен член на ДИК и еден од обвинетите. Се вмеша и адвокатот на Сашо Срцев Димитар Дангов но и тој најави вкрстено а постави директно прашање.
Стана и Љупчо Шврговски бранител на Сашо Мијалков и рече дека може од одговорот на веќе поставени прашања да се постават нови а не судијата на барање на обвинителот да не ги дозволува.
Обвинителот Гаврил Бубевски нервозен што се изгуби време на незнаењето што се директни а што вкрстени прашања се објаснуваше со Шврговски и во тој момент Фетаи го праша судот: “Зошто овде без даден збор од вас чесен суде колегата Шврговски стана и ни држи предавања на сите?”.
Тогаш стана другиот адвокат на Мијалков Петар Василев и кога Фетаи објаснуваше дека има право на приговор на прашањата од адвокатите тој ио кажа да престане да зборува бидејќи му се обраќа на судијата.
Судијата Огнен Ставрев го смируваш а Василев рече: “Па Фатиме скока!”
По ова Фетаи стана и му забележа на Василев дека “користи многу контаминиран речник”.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.