На аукција во Кристи, шише шкотско виски „Макалан“ од 1926 година беше продадено за рекордни 1,9 милиони долари, што го направи најскапиот пијалак досега продаден на аукција.

Продаденото шише содржи виски од буре од 1926 година, а алкохолот е флаширан во 1986 година.

Ова е вторпат овој вид виски да достигне рекордна светска цена – претходната година во аукциската куќа „Кристи“, шише од тоа виски беше продадено за 1,2 милиони долари, јавува Си-Ен-Ен.

Постојат само 40 шишиња од ова ексклузивно виски, па затоа се смета за „Светиот грал“ на оваа врста на алкохол.

Виски означува категорија жестоки алкохолни пијалаци, кои се дестилирани од житарици и чувани во дабови бочви. Во зависност од употребата на житариците, варира и видот на вискито.

Во најмногу користени спаѓаат: јачмен, мелен јачмен, ‘рж, мелен ‘рж, пченица, пченка или овес. Освен според житариците, видовите виски варираат и според алкохолната содржина и квалитетот.