Во Апелацискиот суд додека се чекаше одлуката по барањето за изземање на судечкиот совет кој треба да одлучи по жалбата на поранешниот премиер Никола Груевски за пресудата во случајот „Тенк“ за набавката на луксузниот мерцедес информираа дека одбраната побарала изземање и на в.д претседателката на Апелацискиот суд Лидија Димчевска.

Сега се чека одлуката на Врховен суд кој е надлежен да постапува по барањето за изземање на претседателката на Апелацискиот суд.

Претходно, на почетокот на денешната јавна седница тие побараа и одложување на седницата со образложение дека мора да одат на други судења кои се приоритетни бидејќи станува збор за притворски предмети. Судечкиот совет во Апелација не го прифати ваквото барање на адвокатите. 

За случајот „Тенк“, поранешниот премиер Никола Груевски како поттикнувач за извршување на делото е осуден на две години затвор, а поранешниот помошник министер во МВР Ѓоко Поповски на шест години и шест месеци затвор.