Поранешната министерка за култура, Ганка Цветанова, јавно ја повика пратеничката Елизабета Канческа – Милевска да каже јасно дали ќе гласа за или против уставните измени.

Ја повикувам поранешната министерка за култура и пратеничка од редовите на ВМРО – ДПМНЕ, Елизабета Канческа – Милевска, јавно и недвосмислено да се произнесе дали ќе гласа за уставните измени! Барем толку и должи на македонската култура која ја застапуваше во изминативе 11 години. – напиша Цветанова.

Со оваа порака на својот Твитер налог се огласи поранешната министерка за култура Ганка Цветанова, по говорот на нејзината наследничка во владата на Груевски, во Собрание на Македонија каде сеуште тече седницата за гласање на уставните измени.

Имено Канческа -Милевска излезе на говорница и побара лидерите на политичките партии да седнат на заедничка маса, и преку дијалог да постигнат консензус, наместо присилно наметнување за одржлив договор.

По затворање на расправата, ние нема да гласаме дали веднаш ќе се менува Уставот, туку ќе донесеме одлука дали може нешто да направиме за договорт или не. – рече пратеничката од ВМРО  -ДПМНЕ, Елизабета Канческа-Милевска, на собраниската седница за уставните измени, со што остана недореченоста дали тоа значи поддршка за измени на Уставот на Република Македонија.