Беснее голем пожар во Велес, пожарникарите на терен.
Попладнево пожар избувна во близина на езерото Младост во Велес, кај село Отовица.
Противпожарните екипи се на терен, а од општина Велес советуваат жителите на населбата Отовица, да обезбедат противпожарни апарати и лопати за заштита од пожарот и да внимаваат на својата безбедност.
„Општина Велес апелира граѓаните да не се движат во близина на опожарените појаси околу езерото, а возачите кои минуваат на автопатот внимателно да управуваат со моторните возила бидејќи поради чадот е намалена видливоста на коловозот и го попречува безбедното одвивање на сообраќајот.“ -апелираат од Општината.
Исто така уште еден пожар во Македонија е активен.
Пожарот во близина на патот Охид – Ресен веќе втор ден беснее активиран е и кризниот штаб.
Надлежните велат дека опожарени се околу 50 хектари борова и дабова шума но простор за паника дека огнот ќе стигне до населените места нема. Според првичните сознанија се претпоставува пожарот е подметнат.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.