Владата на Гренланд соопшти дека нејзината територија не е на продажба, по извештаите дека претседателот на САД Доналд Трамп бара начин да го купи огромниот, заледен остров.

Американскиот претседател Доналд Трамп на состаноци со соработници ја разгледувал идејата за купување на Гренланд, автономна територија на Данска.

Гренландската влада ја отфрли идејата, изјавувајќи: „Отворени сме за бизнис соработка, не за продажба“.

Гренланд, или официјално Калалит Нунат е остров во Северниот Леден Океан и автономна земја во рамките ма Кралството Данска. Иако и географски и етнички е поврзан со Северна Америка, политички и историски Гренланд е поврзан со Европа.

Најблиски земји до Гренланд се Исланд на исток и Канада на запад. Гренланд е најголемиот остров во светот.

Со своите 56.749 (2012) жители, Гренланд е најслабо населена држава или зависна територија во светот. Главен град на Гренланд е Нук, а официјален јазик е гренландскиот.