Државната изборна комисија на Република Македонија денеска ќе ја одржи првата седница по изборот на нов состав.

Новите членови на највисокото изборно тело во државата кои беа избрани на 25 јули 2018 година од Собранието на РМ се: Оливер Дерковски – претседател / Дитмире Шеху – потпретседателка и членови: Елизабета Постоловска – Јанакие Витановски – Борис Кондарко – Радица Ристеска и Енвер Салиу.

ДИК треба да  го спроведе референдумот за името Договорот со Грција што Собранието го распиша на 30-ти септември годинава.

Државната изборна комисија се грижи за законитоста во подготовката и спроведување на изборите во согласност со Изборниот законик и врши надзор над работата на изборните органи.