Децата над 12 години, треба да носат заштитни маски за лице секаде каде што и возрасните ги носат, соопшти Агенцијата на ООН за здравје и права на децата во упатствата кои ги подготвени до властите.

Светската здравствена организација (СЗО) и Фондот за деца на ООН (УНИЦЕФ) не препорачуваат децата на возраст од 6 до 11 години да носат маски, но велат дека треба да се земат во предвид областите со интензивна стапка на пренесување на вируси и во посебни прилики како што се училиштата, јави ДПА.

Како што стои во соопштението дел од експертите сметаат дека постојат ситуации кога маските можат значително да влијаат врз процесот на учење и да имаат негативно влијание врз училишните активности.

Тие посочуваат дека не се препорачува децата под 12 години да носат заштитни маски бидејќи тие не можат сами правилно да ги ставаат и вадат, стои во упатството што беше објавено во петокот.

Инаку повеќето од епидемиолозите го косат тврдењето дека треба да се носи заштитна маска односно дека таа би помогнала за заштита од коронавирусот.

Така вчера еден од најпознатите епидемиолози од Шведска, Андерс Тегнел излезе со тврдење дека заштитните маски не е потребно да се носат, бидејќи како што вели многу е опасно да се потпираме на нив.

-Многу е опасно да веруваме дека маските за лице би ја промениле играта кога е во прашање Ковид-19, изјавил Тегнел за Фајненшл тајмс.

Како што вели тој маските би можеле да бидат дополнување на други работи ако тие се доволно сигурни.

-Но, доколку имате маска за лице и мислите дека така можете да го наполните автобусот или трговскиот центар – тогаш дефинитивно правите голема грешка, истакнал Тегнел, кој е главен автор на шведската стратегија против коронавирусот која не предвидува рестриктивни мерки, пренесува Бизнис инсајдер.