Европската унија не сака да се меша во случајот со поранешниот премиер на Македонија, Никола Груевски и со неговото барање политички азил во Унгарија.
Изјавата на портпаролката на Европската Комисија, според извори од македонското МНР, била вистински шок за министерот Никола Димитров.
Имено на новинарско прашање до портпаролката на Европската Комисија, Маја Коцијанчич дали доколку Унгарија како земја членка на ЕУ одобри азил ЕУ тоа ќе го почитува, таа одговорила дека ова е случај кој не смее да се политизира.
Свесни сме за ситуацијата во врска со господинот Груевски. Ние не коментираме тековни судски постапки. Владеењето на правото е основен принцип на Европската унија, за земјите членки и за земјите кандидати. Очекуваме сите заинтересирани страни да дејстуваат строго во согласност со релавантните правила. Ова е судска постапка која не смее да се политизира. – изјави Коцијанчич.
Министерот Димитров со ова доби потврда дека во моментот кога Груевски ќе добие политички азил во Унгарија, Македонија од ЕУ ќе биде обвинета за политички прогон на неистомисленици.
Ова ведно е прва реакција на официјален Брисел во врска со случајот со Груевски, а според протоколот, позади изјавата на Коцијанчич стојат сите челници на Европската Комисија и Советот на Европа.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.