Победник на лотарија од Јамајка подигнал голема сума на пари носејќи маска, за роднините да не му бараат заем.

Човек кој живее во Јамајка претходната година добил на лотарија 1,17 милиони долари, но морало да чека неколку месеци пред да ги подигне бидејќи таква е процедурата во тие земји.

Но, од сето ова најинтересно е тоа што кога ги подигнал парите носел маска од филмот Врисок и не сакал да го открие лицето, бидејќи роднините и пријателите ќе му барале пари на заем.

Мажот се идентификувал под името А. Кемпбел, и в текот на подигнувањето на парите цело време носел маска, не сакајќи да го открие идентитетот.

Како што рекле од комисијата на лотаријата, не баш често среќаваат вакви случаи кои не сакаат да го откријат својот идентитет, но сепак тоа бил нивни избор и имаат право да изберат на кој начин сакаат да ја подигнат наградата.