Во Америка има возбудлива трка за најмоќниот човек на светот. Доналд Трамп и Џо Бајден се многу блиску според резултатите!
Доналд Трамп прогласи голема победа на претседателските избори и на Твитер ги обвини противниците дека сакаат да му ја украдат, додека и Џо Бајден вели дека е на патот кон победата откако во САД беа затворени гласачките места.
Победивме во Флорида, Охајо, Тексас. Победивме и во Џорџија, тие не можат да не стигнат до нас. Победуваме и во Северна Каролина, рече Трамп во јавно обраќање.
Благодарејќи на американскиот народ, милиони гласаа за нас денес, а голема група луѓе се обидуваат да го девалвираат тоа и ние нема да им го дозволиме. Ние се подготвувавме за прославата и сега сè е откажано, рече тој.
Според Вашингтон пост, од 270 електорални гласови на изборниот колеџ потребни за победа, според неофицијалните резултати од досега преброените гласови и победи во некои држави, Џо Бајден има освоено 220 гласови, додека Трамп има освоено 213 гласови.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.