Економскиот директор на Клиниката за гинекологија, Ваљон Беља бил ранет во вооружен напад вчера попладне во Топанско Поле.

Според неофицијални информации, инцидентот се случил пред маркетот „Принц“ кога непознати напаѓачи испукале неколку куршуми кон Беља. Тој бил погоден во нога, а напаѓачите избегале. Од МВР засега не се изјаснети со информации за инцидентот што се случи вчера.
Од ДУИ Валон Беља е именуван за организациски директор на Клиниката за гинекологија и акушерство пред неколку месеци.
Беља беше член на невладината организација Реалитети, а во 2010 стана лидер на партијата Албански сојуз. Подоцна оваа партија се спои со ДПА на Мендух Тачи, каде Беља беше потпретседател. Откако се повлече од ДПА Беља беше претепан во скопско Кондово од група непознати напаѓачи, по што заврши на Ургентниот центар.