Иако носењето на заштитна маска е една од главните препораки за заштита од Ковид 19, сепак стоматолозите велат дека тоа може да биде и штетно и да доведе до оштетување на непцата и забите.

Со вакво тврдење е и д-р Џефри Сулицер кој во интервју за Ливерпул Ехо истакна дека проблемот се јавува поради тоа што со носење на заштитна маска луѓето дишат повеќе преку устата отколку преку носот а токму во тоа и е проблемот. Сулицер посочи дека маската ја суши устата, а резултатот може да биде болест на непцата.

„Покривањето на устата и носот подолг временски период ќе ве натера да дишете преку устата. Резултатот е сува уста, а потоа се зголемува веројатноста за заболување на непцата и лош здив“, вели д-р Сулицер.

Па доколку сакате да ги заштитите забите д-р Сулицер советува дека треба да посветите повеќе внимание на оралната хигиена, односно  да пиете многу течности помеѓу носењето маска и да џвакате гуми за џвакање без шеќер за да го зголемите производството на плунка.