Страшна сообраќајна несреќа ја потресе цела Македонија. Три лица се повредени во сообраќајната несреќа што се случи попладнево на магистралниот пат Штип – Кочани во близина на клучката кај селото Уларци.

Како што информира портпаролот на СВР Штип, Гордана Панајотова, незгодата се случила околу 16:10 часот, меѓу три возила.

Полцијата изјави дека повредените патници се хоспитализирани во Општата болница во Кочани каде им се укажува лекарска помош. Засега не се знае за какви повреди станува збор и дали се надвор од живтона опасност.

Во моментов сообраќајот на овој патен правец е стопиран во двете насоки и сообраќајот од Штип кон Кочани се одвива преку алтернативните патишта. Возилата се приклучуваат преку селата Долни Балван, потоа Карбинци, па поминуваат преку селото Борилчево и излегуваат на клучката кај селото Кучичино и Чешиново.

Во моментов екипа на крим техника од СВР Штип и основен јавен обвинител вршат увид на местото на несреќата. Повеќе детали од полицијата најавуваат по завршувањето на увидот.

Статистиката покажува дека дури 93 отсто од сообраќајките во земјава ги предизвикале возачите, АМСМ апелира до возачите да внимаваат на знаците и да ги почитуваат поготово таму каде што е ограничена брзината за сообраќај за да не дојде до страшни несреќи со евнтаулни жртви.