Поранешниот шеф на дипломатијата на Грција, Никос Коѕијас за влакно избегна тепачка, откако вчера се водеше жестока дебата во Минхен.

Дебатата се водеше меѓу Коѕијас и публиката во салата, која кон него дофрлуваше погрдни зборови, а за да биде полошо во еден момент се заканија и дека ќе го истепаат а како што пренесуваат медиумите наводно за ваквото незадоволство кај Грците во Германија бил Преспанскиот договор меѓу Грција и Македонија.

Поранешниот шеф на дипломатијата на Грција, Никос Коѕијас денеска возврати на погрдните зборови на оние кои извикуваа по него велејќи дека тие се „десничари и фашисти“.

Ккао што објавија медиумите Коѕијас за време на говорот во Минхен бил жестоко обвинет од Грците во Германија но и од претставници на „македонски организации“ кои му дофрлаа навредливи зборови. Тие го критикуваа Преспанскиот договор и го нарекоа „бласфемија“.

Откако веќе ситуацијата станала неподнослива а Коѕијас бил спречен да продолжи со говорот, сите кои довикувале за време додека тој зборувал биле отстранети од настанот.

По три часа разговори и давање аргумент по аргумент на прашања од фашисти и екстремисти тие почнаа да се закануваат со насилство. Масата се сврте против нив и ги избрка од настанот“, објави Козијас на Твитер.

Инаку весникот „Ефимерида“ излезе со напис дека Коѕијас не е првиот политичар што ги нарекува фашисти оние кои се против Препанскиот договор. Од весникот додаваат дека истомисленици на Коѕијас е и  Христос Јанулис.