Пратеникот Антонијо Милошоски со жесток говор на собраниската седница на интерпелацијата за министерот Никола Димитров му порача дека е вешт политички камелеон кој што никогаш не добил поддршка од народот и секогаш бил близок со власта на штета на интересите на народот. 

Милошоски му порача на министерот Димитров дека ја навредил македонската нација нарекувајќи ја нација со комплекс и дека незамисливо е бугарската министерка за надворешни работи Екатерина Захариева и поранешниот грчки министер за надворешни работи Коѕијас да дадат изјава во која би ги нарекле ссвоите народи искомплексирани. 

Милошоски јавно го запраша  Димитров дали Македонците биле искомплексирани кога тој бил амбасадор во Холандија и примил плата во висина од 600.000 долари и дека менувањето на ставовите во зависност од политичките лидери на Македонија било само за лични удопства на Никола Димитров. 

Министерот Никола Димитров одговори дека неговата изјава за искомплексирана нација се однесувала на политичарите кои граделе споменици од стиропор. 

Милошоски му возврати зошто со потпишувањето и ратификацијата на Преспанскиот договор Владата не организирала прослави како што тоа го направила во 2004 година кога САД ја признаа Македонија под уставното име.