Новинарот и уредник на Инфомакс, Александар Митовски кој доби кривична пријава поради оддавање на службена тајна, откако објави дел од записникот со сведоштвото на Орце Камчев, сведок за случајот Рекет овој пат се огласи на својот Фејсбук профил но за случајот Рекет 2, откока вчера директорот на Фондот за здравство Ден Дончев си поднесе оставка.

Кој го крие записникот?
Има еден записник, кој уште пред година дена е составен во Обвинителството за организиран криминал и корупција.
Тој записник е клучен во истрагата за “Рекет” и “Рекет 2”, вели Митовски!

Во овој записник се зборува за лицата кои директно се вклучени во рекетарските шеми – и за Дијамед и за рекетираните бизнисмени.
Човекот што го дал исказот, од осомничен станува сведок.
Е сега, да прашам. Дали овој записник го има составено обвинителот Наум Паноски?

Каде е записникот и зошто не е земен во предвид при постапување по овие предмети? Чија вмешаност се прикрива?
Да не мислите дека ако народот не знае, сте завршиле работа. Има и такви кои знаат што правите, стои во неговиот пост на Фејсбук.