Одложувањето на датум за преговори значи катастрофа, Заев не само што ги распродава државните интереси, туку Македонија ја губи и Европската иднина, оцени вчера вечер во интервјуто во ,,Само вистина” лидерот на ВМРО-ДПМНЕ, Христијан Мицкоски.

Мицкоски зборуваше и за одлуката на претседателот Ѓорге Иванов да не го потпише Законот за ратификација на Договорот за спорот со името меѓу Македонија и Грција.Смета дека е исправна, водена од потребата на заштита на Уставот и државата, и оти за тоа има и сериозни правни аргументи. Најавува бојкот и на следната седница на која тој договор ќе биде ставен повторно, а го овтори и ставот дека нема да поддржат уставни измени со цел промена на уставното име.