На денешното рочиште за случајот „Таргет – Тврдина” на СЈО, одбраната на Сашо Мијалков се повика на амнестијата што ја прогласи претседателот Иванов, но судот го одби барањето.

Судијката Џенета Бектовиќ го одби барањето на адвокатот Љупчо Шврговски и порача дека судот го ценел обвинението и ги одбил приговорите за прифаќање на помилувањето.

Случајот „Тврдина-Таргет” се однесува на масовното прислушување, а во него, освен Мијалков, обвинета е и екс-министерка за внатрешни работи, Гордана Јанкулоска.

Инаку, четворица од обвинетите за прислушкувањето во „Таргет – Тврдина“ се уште работат во УБК, каде што и се вршеше прислушувањето. Две од обвинетите, пак, пред неколку месеци се пензионирани во УБК.

Екс директорот Мијалков вели дека е вработен во Мак Поинт ДООЕЛ Скопје, а неговиот некогашен шеф на кабинет Тони Јакимовски исто така е вработен во приватна компанија.