Во сообраќајна несреќа што се случила вчера во Охрид тешко бил повреден мотоциклист.

Според полицијата, сообраќајната несреќа се случуила во 17.30 часот, на крстосницата од булеварот Туристичка и улицата Распаке.

Автомобил „бмв“ со тетовски регистарски ознаки што го управувал Б.Џ. (29) од Тетово се судрил со мотоцикл „јамаха“ со охридски регистарски ознаки, управуван од Ј.Д.(47) од Охрид.

Во сообраќајката со тешки повреди се здобил возачот на мотоциклот. Тој бил пренесен и задржан на лекување во болницата „Св.Еразмо“ во Охрид.

Полицијата извршила увид и ги утврдува причините за сообраќајката.